韓君婷疑似整容大變臉回香港再戰影視圈

來源：輕奢館 5.68K

曾經亞組冠軍韓君婷從娛時間拍了不少好片，自從2010回新加坡幫大哥打理生意後就推出娛樂圈，到昨日她又應邀跟黃日華囡囡黃芷晴，到觀塘apm商場擔任嘉賓，現場見韓君婷的容貌跟兩個月前有所不同，不單鼻翼收窄鼻頭變得有肉，整體臉貌

韓君婷稍後接受電話訪問時說：「冇打過Botox，亦冇整容。你話變好睇咗應該係化妝改變，你知我鬼妹樣，呢幾年睇多咗雜誌研究番可以點化令自己冇咁鬼妹，今日條眉劃唔同咗，個樣望落四正啲。」她透露令自己容貌改變，是因為年多前在新加坡不慎滑倒令鼻骨歪了，她說：「你知新加坡成日落雨，有日落完自己唔小心僕落地整親。」她表示當時是正面落地，導致鼻骨變形，看醫生單是拉直鼻骨的手術費加住院費就要5萬新加坡元(約29萬港元)，她表示覺得沒需要而且太貴：「好貴呀，我覺得又冇任何影響，所以冇做到手術。」

【鼻樑偏歪】韓君婷昨日表示曾在新加坡跌倒以致鼻骨歪了，但嫌醫藥費貴而沒醫治。

鼻翼變窄

而在觀塘活動上，韓君婷受訪時曾表示香港生活較合適，她說：「我喺新加坡長大，離開咗十幾年，之後再返去，經過體驗我適合香港多啲。今次返嚟暫時未諗幾時離開，o依家見工搵嘢做，返娛樂圈都有人問過我，都唔排除，我都鍾意做節目。」她笑言香港吸引的地方是有冬天，新加坡好多時早上返工，未到下午已經全身溼透，又謂自己適合擔任旅遊及飲食節目的主持，也喜歡拍劇，最重要是希望多些人知道她迴歸香港。

感情生活方面，韓君婷透露暫未有男友：「如果話冇人追咪好冇面，我全部精神放入工作，工作上認識嘅全部都係工程師同廠佬，10個有12個結咗婚，個個年紀大到要我叫uncle。我媽問過我好多次，佢都好明白，o依家佢都放棄咗，2015年做女仔可以有自己嘅生活。」

【今年5月】韓君婷兩個月前出席A記同學聚會時，容光煥發，準備再戰娛圈。

厭食巨躉變火柴

現年39歲的韓君婷，是混血兒，英國籍的她，在新加坡長大，97年奪亞洲小姐亞軍，後因冠軍朱燕珍隱瞞婚姻狀況，被取消資格，韓君婷獲擢升為冠軍。加入亞視後備受重用，之後轉到無綫發展。

01年減極都肥

入行初期，韓君婷由於下圍肥胖，被冠以「籮霸」、「巨躉」稱號，體重最高峰達140多磅，之後擔任纖體公司代言人成功減磅，後來因感情問題患上厭食症，體重跌至80多磅變成火柴人，幸好早已康復。06年韓君婷重返亞視，但發展不理想，10年決定暫退出香港娛樂圈，返回新加坡做白領替兄長打理生意，近日再度返港希望留下發展。